樓底唔夠高? 試下吸頂燈

發佈: System 2019/01/28 0 留言 裝修專欄,

香港房屋樓底一般唔高,約2.4~2.8米之間,加上房屋面積細,樓層低加上細空間會令人有壓逼感,係裝修設計上非常棘手。其實想要增加視覺效果除咗係設計上要注意外,其實燈都可以有所幫助——吸頂燈(吸咀燈)。吊燈、LED燈就聽得多啦,吸頂燈係咩呢?裝修佬話你知。

 


 

乜野係吸頂燈

 

吸頂燈係燈具嘅一種(又叫吸咀燈)顧名思義係由於燈具上方較扁平,安裝時底部完全貼係樓頂上所以稱之為吸頂燈。光源有普通白燈泡,螢光燈、LED燈等。目前市面上最流行嘅係LED吸頂燈,一般家庭、辦公室等各種場所都會經常選用。 

 

吸頂燈常用嘅有方罩吸頂燈、圓球吸頂燈、尖扁圓吸頂燈、半圓球吸頂燈、半扁球吸頂燈、小長方罩吸頂燈等。吸頂燈適合於客廳、睡房、廚房、廁所等處照明。吸頂燈可直接裝於天花板上,安裝簡單,款式簡單大方,賦予空間清朗明快。

 

 

家居三大區域吸頂燈選擇 

 

客廳吸頂燈 

 

吸頂燈因為扁平形狀,非常適合層高低于2.8米嘅客廳,吸頂燈望落更明朗大方。一般情況下,200-300呎嘅客廳,可以選擇60W白光LED吸頂燈,先會顯得大氣。 

 

 

睡房吸頂燈 

 

睡房主要功能係休息睡眠,使用吸頂燈嘅選擇以溫馨浪漫為宜。特別係細面積睡房,使用吸頂燈會增加視覺效果,相比吊燈無累贅感,更簡潔。 

 

廁所吸頂燈 

 

廁所空間一般唔會太大,所以亦適合用吸頂燈,但由於廁所溫度較高,所以選擇吸頂燈時要注意散熱性能。 

 

作者簡介: 

裝修佬致力於令香港沒有麻煩/爛尾的裝修。為實現這個使命,全體裝修佬成員不斷努力,推動裝修、建材、家居市場的規範化,改變著數千萬家庭的裝修方式和置家理念,為用戶創造卓越的互聯網裝修體驗。作為香港互聯網裝修領導者,裝修佬將通過O2O的模式,為傳統裝修及家居領域帶來新的變革,提供免費度尺/報價,亦舉辦皇牌裝修防伏班,不斷為用戶創造價值,引領行業發展。

(以上圖片均轉截自裝修佬)

Loading...
Loading...